BR LA UNION – Impaganetget ni Presidente Ferdinand R. Marcos Jr. a saan a kampante nu maipapan iti panagtalek ken suporta ti publiko, isunga itultuloy ti administrasyonna iti makilangen kadagiti nadumaduma a sektor tapno mataginayon ti panagtalekda.
Segun iti Presidente, napeggad ti panagbalin a kampante para iti maysa a lider, isunga aktibo a makilang-langen kadagiti grupo nga addaan panagduadua iti administrasyon tapno maammuanda no kasatnu a maipapaay dagiti kasapulanda.
Imbaga pay ti Presidente a nupay agtaltalinaed a natibker iti suporta ti nadumaduma a sektor para iti panangidaulona, saan a rason daytoy tapno agsardeng nga agtrabaho.