BR LA UNION – Dakkel ti tsansa a mabukel a bagyo iti low pressure area (lpa) a namonitor ti PAGASA iti kaadayu a 370 kilometro amianan amianan-a-daya ti Itbayat, Batanes.
Segun iti state weather bureau, posible nga agbalin a bagyo ti nasao nga LPA iti uneg ti 24 oras, maawagan ti SALOME ken maika-19 a bagyo iti Philippine Area of Responsibility (PAR) ita a tawen.
Kabayatanna, iti Intertropical Convergence Zone (ITCZ) iti mangpatudo idiay Mindanao, Southern Leyte, Cebu, Bohol, Siquijor.
Apektado met ti Easterlies iti Bicol Region, Eastern Visayas, Aurora, ken Quezon ket posible a makapadas dagiti nasao a lugar ti mapatto-pattok a panagarbis wenno panaggarru-od.
Bayat nga idiay Metro Manila ken nabatbati a paset ti pagilian ket agapaman a nakuyem ti tangatang, mabuyogan ti mapatto-pattok a panagarbis wenno panaggarru-od kas epekto ti localized thunderstorms.
