BR LA UNION – Immawat ti standing ovation ken napigsa a riyaw manipud kadagiti agbuy-buya ni Miss Earth 2025 Natalie Puskinova ti Czech Republic, gaputi nagbalin a sungbat na iti salodsod a: “Bill Gates, who is the leading proponent for carbon emissions reduction, recently proposed that resources must be shifted away from the battle against climate change to efforts that prevent disease and hunger. Do you agree?”
Ti sungbat ni Puskinova a balanse a mensahe seknan iti panagkaykaysa ken kinapateg ti panangtaming ti agpada nga isyu, ti nang-pangabak kenkuana tapno maiyawid na ti titulo a Miss Earth 2025.
Iti udi ti sungbat na ket imbaga na iti…”Protektahan natin ang kalikasan”
Kalpasan ti final question and answer portion kadagiti uppat a kandidata wenno final four, naitandudo ni Puskinova a nangabak ken nagpannuray ti laing ken pintas na manipud iti 81 a contestants ken kinoronaan ni Australia’s outgoing queen Jessica Lane.
Ni Soldis Vala Ivarsdottir ti Iceland ket nangabak kas Miss Earth Air 2025; Trinh My Anh ti Vietnam iti naitandudo a Miss Earth Water 2025 ken ni Waree Ngamkham ti Thailand ti nangabak kas Miss Earth Fire 2025.
Kabayatanna, iti coronation night ti pageant idi rabii idiay Manila, Paranaque City ken sakbay a sinungbatan na ti salodsod ket nangaramid ti apela ni Barcoma nga ikararag dagiti biktima ti layos idiay Cebu a nakatayan ti nasurok 100 a tattao, a ginubway ti dimmuprak a bagyo Tino.
