BR LA UNION – Inbutaktak ni sigud a Presidente ken Pampanga Rep. Gloria Macapagal-Arroyo nga adda gandat nga ilatangan ti gasut a milyon a pisos para iti flood control projects iti makadwa a distrito ti Pampanga iti sidong ti House General Appropriations Bill (GAB).
Iti tengnga ti deliberasyon ti committee amendments, naamwan a saan nga isuda ti nangiserrek ti nasao nga alokasyon.
Dagus da a nagyaman iti House Committee on Appropriations iti pannaka-ikkat ti pondo iti opisyal a committee report.
Iti insidente ket timpuar iti tengnga ti nalawa nga isyu ti realignment ti P255.5 bilyon a flood control funds ti DPWH, a maim-imbestigaran gaputi alegasyon a ghost projects ken saan a naingkalintegan nga alokasyon.
Maibasar iti report, sumagmamano a distrito ti naka-awat ti sobra a pondo nga uray saan met unay nga apektado ti panaglayos.
Nagpanawagan ti sumagmamano a mammanday linteg iti mas istrikto nga auditing ken transparency iti panangilatang ti pondo ti ili.
Agtultuloy ti panagsukimat ti Kamara tapno masiguro a dagiti flood control budget ket maiturong kadagiti lugar a pudno nga agasapolan.
