BR LA UNION – Agtalek ti kaadwan a negosyante ditoy pagilian nga ad-adu ti mapag-lakwan da ita a paskua.
Daytoy ket uray pay sumangsango ti adu a karit ti pagilian manipud iti nagduduma nga alegasyon ti kurapsyon.
Segun kenni Philippine Retailers Association (PRA) chairman Roberto Claudio, a tradisyunal ditoy pagilian nga umadu ti aggatang iti naduma-duma nga establisimento iti bulan ti Disyembre.
Malaksid laeng iti ipatulod ditoy pagilan dagiti Overseas Filipino workers (OFW).
Gaputi dayta, sag-saganaan dagiti negosyante ti panagadu dagiti customers, mapa-physical store man wenno online stores.
