Inpakaammo ti Appeals Chamber ti International Criminal Court (ICC) a desisionan da inton Nobiembre 28 iti interim release appeal ni sigud a Presidente Rodrigo Duterte.
Immunan nga imbasura ti Pre-trial Chamber ti ICC iti interim release request ni Duterte idi Septiembre 26.
Nangidatag ti apela iti defense team idi Oktubre 14 bayat a simmungbat ti prosecution ken dagiti biktima idi Oktubre 21.
Malagip a kadagiti napalabas a lawas ket pinaregta ti ICC Office of the Prosecutor iti Appeal Chamber a pagtalinaeden a nakadetine ni Duterte kalpasan a napaay iti depensa a paneknekan awanan ti legalidad ken factual errors iti umuna a desision.
Naidetine ni Duterte idiay ICC sipud pay idi bulan ti Marso gapu iti sangsangwen na a crimes against humanity gapo iti nadara a kampanyana kontra ilegal a droga.#
