Binigbig ti Guinness World Records kas kataengan a bus driver ni Raymond Hager, 95-anyos, residente ti Wichita Falls, Texas.
Imanmaneho ni Hager dagiti bus ti siyudad iti las-ud ti 27 a tawen.
Nagrugi isuna iti driving ti edad a 14 ken dagos na a natakuatan iti panakahilig a mangmaneho kadagiti dadakkel a behikulo.
Nagbalin isuna a bus driver ti Falls ride, maysa a pampubliko a transit system iti lugar, ti agarop 27 a tawen.
Iti orihinal a plano na ket agretiro iti edad a 95, ngem ita ket tarigagay na nga agtultuloy nga agmaneho aginggana nasalun-at ken kabaelan na pay.
Pinadayawan met ti siyudad ti Wichita Falls iti balligi ni Hager ken indeklara iti Nobiembre 18 kas Raymond Hager Day.#
