BR LA UNION – Nalmes iti dua a 19-anyos nga estudyante bayat ti panagdigos da iti baybay idiay Barangay Urbiztondo, San Juan, La Union idi Martes, Disyembre 9, 2025.
Maibasar iti report manipud San Juan Municipal Police Station, agarup ala 1:30 ti malem, nagresponde dagiti kameng ti pulisya iti tawag seknan iti insidente ti pannakalmes iti nasao a lugar.
Dagiti biktima ket agpada nga agtawen ti 19, baro, estudyante, kresidente ti RHU Compound, D Poblacion, Mankayan, Benguet ken Barangay Laguit Centro, Bugallon, Pangasinan.
Maibasar iti inisyal nga imbestigasyon, kabilang dagiti dua iti maymaysa a grupo a nagdidigos iti baybay, ngem maipagarop a ginuyod ti napigsa a puwersa ti dalluyon dagiti dua.
Maibasar pay iti report, naipadamag a narigatan ti maysa a makalung-aw ngem naka-awag ti tulong.
Dagus a nagresponde ti maysa a beach marshal a nakadlaw iti insidente.
Narekobre dagiti dua a baro ken dagus da a naipaayan ti first aid a Cardiopulmonary Resuscitation (CPR) ngem unconcious ti maysa a biktima.
Babaen ti tulong ti San Juan MDRRMO, naiturong ti biktima iti pribado nga ospital ditoy siyudad ti San Fernando para iti medikal nga atensiyon.
(As of this writing) agtultuloy ti panangala ti Bombo Radyo iti follow up report seknan iti nasao nga insidente.
