Dumanonen ti innem nga indibidual dagiti pimmusay kasaruno iti panag-collapse ti Binaliw Landfill idiay Cebu City idi Enero 8.
Agarup 50 nga sanitation workers iti nagaburan kalpasan a nag-collapse iti pribado a landfill nga imatmatonan ti Prime Integrated Waste Solutions.
Agtultuloy iti agdama nga operasion dagiti otoridad ken mangar-aramat dan dagiti nadadagsen a makinarya, karaman dagiti backhoes tapno kalyen dagiti nagaburan.
Segun kenni Cebu rescuer Jo Reyes, temporario a sumardeng iti operasion no aggaraw iti landfill.
Pinasingkedan met ni Cebu City councilor Dave Tumulak, chairman ti city disaster council, a nanayunan ti innem dagiti kumpirmado a natay kalpasan a marekober dagiti dua a bangkay idi kalman, Enero 10.
Naammuan a ti Binaliw Landfill ket agprosproseso ti nasurok-kumurang 1,000 tonelada ti basura iti inaldaw ken agserserbi idiay Cebu City ken kadagiti asideg a komunidad.
Silulukat met ti Bombo Radyo Philippines iti dasig ti kumanya, ngem aginggana ita ket awan pay ti waragawagda maipanggep iti issue.###
