Impadamag ti Department of Foreign Affairs nga awan ti Pilipino a naapektaran kadagiti mapaspasamak a tignay-protesta idiay Iran.
Agtultuloy nga ipalpalagip iti Embahada ti Pilipinas idiay Tehran kadagiti Pilipino nga agtalinaed nga alerto ken kissayan iti panaggaraw wenno panagruar.
Segun ti DFA, aganay 823 a Pilipino iti adda iti nasao a pagilian ken kaadduan kadakuada ket permanent residents, karaman dagiti asawa ken annak dagiti Iranian citizen.
Imbalakad ti ahensia a makikoordinar kadakuada no agkasapulan ti tulong.
Limmawa dagiti protesta idiay Iran gapu ti dakkel a panagbaba ti balor ti kuarta ken kumarkaro a krisis pang-ekonomiya.###
