Saan a nasayaat para iti imahe ni Presidente Ferdinand Marcos Jr. ken iti ekonomiya ti pagilian iti panangipila ti impeachment complaint kontra kenkuana.
Sungbat daytoy ti Malacañang mainaig iti waragawag ni Bukidnon Representative Jonathan Keith Flores a no iti umuna nga impeachment complaint kontra iti Presidente ket opisial a nairefer ken “initiated” iti House Commitee on Justice, saanena mabalin nga umawat ti kanayunan a reklamo iti uneg ti maysa a tawen,
Segun kenni Palace Press Officer Undersecretary Castro, adda ti kaibatugan daytoy a negatibo nga epekto partikular iti panagkita dagiti ekonomista ken iti kasasaad ti ekonomiya ti pagilian gapu iti posible a saan a nasayaat nga impresion kangrunaan iti performance ti panangidaulo ti Presidente.
Impaganetget ni Castro nga iti aniaman a nagtaudan ti impeachment complaint ken no sino iti nangipila ket iti kaanuman saan nga agbalin a nasayaat para iti Presidente ken iti interes ti pagilian uray pay daytoy iti umuna a reklamo a mangtignay ti one-year bar rule iti sidong ti Konstitusion.###
