BR LA UNION – Nakatuding a maiyakar ita nga aldaw idiay Quezon City Jail Male Dormitory ni sigud a Senator Ramon ‘Bong’ Revilla Jr.
Segun iti Bureau of Jail Management and Penology (BJMP) nalpasen iti mandatory a pito nga aldaw a medical quarantine.
Karaman a maiyakar dagiti uppat a kakadwa na nga akusado, da Engineer Brice Hernandez, Jaypee Mendoza, Arjay Domasig ken accountant a ni Juanito Mendoza.
Kinumpirma ni BJMP spokesman Jail Superintendent Jayrex Bustinera a maiyakar dagiti nasao nga indibidwal ken mailaok da iti general population nga addaan ti cell assignment maibasar iti napagtitipon a security, medical ken classification assessment.
Kinuna na pay nga awan ti anyaman a nakita a sakit ni Revilla ken dagiti kakadwa na isunga natalged dagitoy a maiyakar iti normal a detention facility.
Mabalin a makadwa ti sigud a senador iti selda na ti sumagmamano nga ordinaryo a Persons Deprived of Liberty (PDL) agsipudta awan ti maipat-patungpal nga VIP treatment ti BJMP.
Magugunitang idinawit si Revilla na nakinabang sa isang anomalya flood control project sa Bulacan kung saan hinatulan itong guilty sa kasong malversation at graft.
Maipalagip nga intantan ti dua a dibisyon ti Sandiganbayan idi Biyernes ti arraignment kadagiti nasao nga akusado a sumangsango ti kaso a malversation ken graft, a naidatag gapu iti maipagarop a P92.8-milyon a ghost flood control project idiay Pandi, Bulacan.
Immunan nga ni Sandiganbayan Third Division chairperson ken Associate Justice Karl Miranda, a kasapolan a maitantan ti panagdengngeg gaputa adda nakapenpen a mosyon dagiti akusado a mangkuwe-kuwestiyon iti merito ti kaso.
Ti arraignment wenno panangibasa ti darum ket nai-reset inton February 9, 2026 iti oras alas 8:30 ti bigat.
Ditoy a namnamaen a mangidatag ti guilty wenno not guilty plea dagiti akusado seknan iti kaso a naidatag kontra kadakuada.
