Naitandudo ni Mutia ti Tubao a ni Savannah D. Panganiban kas Mutia ti La Union 2026 iti maika-176 a Founding Anniversary ti La Union.
Naisayangkat ti coronation night idi rabii, Marso 2, 2026 idiay Francisco Ortega Convention Center, San Fernando City, La union.
Nagpannuray ni Panganiban kadagiti 19 a kina-balubal na a kandidata ditoy probinsiya, babaen ti impamatmat na a talento, kinapintas, kinasirib, ken adbokasiya para iti komunidad.
Naitandudo met ni Reign Gaile G. Nejal, ti Santo Tomas, La Union kas Mutia ti Turismo 2026; Samantha Kyle F. Pagar ti City of San Fernando, La Union ti naitandudo a Mutia ti Agrikultura 2026; Nicole Antonette B. Tilap ti Sudipen, La Union iti nangabak kas Mutia ti Kalikasan 2026; ken ni Xianna Laussane Trinidad ti Agoo kas Mutia ti Kalusugan 2026.
Dagiti met nangabak ti Special Awards ket dagiti sumaganad:
Mutia Beautiful Skin – Samantha Kyle F. Pagar (City of San Fernando)
Mutia Body Beautiful – Charisse Pauline P. Calderon (Bauang)
Mutia Vibrant Smile – May Ann Samson (Rosario, La Union)
Mutia Beautiful Hair – Reign Gaile G. Nejal (Santo Tomas)
Best in Swimsuit – Nicole Antonette B. Tilap (Sudipen)
Miss Congeniality – Nathalie Gayle V. Ubaldo (Aringay)
Miss Punctual – Sofia Zoe V. Delfin (Bacnotan)
Miss Photogenic – Reign Gaile G. Nejal (Santo Tomas)
Best Designer’s Choice Award – Savannah D. Panganiban (Tubao)
Best in Evening Gown – Reign Gaile G. Nejal (Santo Tomas)
Saan laeng a kinapintas iti isim-simbolo ti Mutia ti La Union ngem ketdi, mangipakita pay daytoy iti kinalaing, kinasaririt, ken dagiti mabalin nga aramiden dagitoy a ganwat a makatulong iti panangidur-as iti probinsiya.
Partikular nga ibagi dagiti nangabak a kandidata dagiti pagsayaatan iti benneg ti turismo, agrikultura, aglawlaw, ken salun-at para iti agtultuloy a panagdur-as ti La Union.
