BR LA UNION – Nababalaw ni Quezon City Rep. Bong Suntay kalpasan a nangaramid ti lewd remarks seknan iti aktres a ni Anne Curtis bayat ti pannakatalantan iti maikatlo nga impeachment complaint kontra kenni VP Sara Duterte idiay House Committee on Justice.
Kinuna ni Suntay, dagiti alegasyon a sedisyon kontra kenni Duterte ket gapu laeng iti panagdar-ay na iti maysa a rally ken binabalaw na ni Marcos.
Inyarigna pay ti insidente iti bukod na nga “imagination” idi makita na ni Anne Curtis iti maysa a mall, ken impaganetget na a saan a mabalin nga agsungbat agsipudta dayta nga imahinasyon ket adda laeng iti panonot na.
Inlawlawag pay ni Representative Suntay a kayatna laeng nga ipakita, a ti tao nga addaan ti “desire” ket agbalin metten a criminal act, isunga inyarig na ti personal a kapadasan na .
Impaganetget na a saan a rumbeng nga i-censor amin iti panagdengngeg, gapu ta mabalin a makita ti publiko a no adda ti saan a kayat ti komite a waragawag iti panagdingeg ket nabiit da laeng a maikkat iti record.
Dagus nga imbilin ni San Juan Rep. Ysabel Maria Zamora, vice chairperson ti committee, nga ikkaten ti statement manipud iti opisyal a record.
Impaganetget met ni Committee chairperson Batangas Rep. Gerville Luistro a ti nasao a waragawag ni Suntay ket saan a maiparbeng para iti natakneng a mammanday linteg.
