Nangiruar iti waragawag iti legal counsel ni Anne Curtis a Gorriceta, Africa, Cauton, & Saavedra tapno kondenaren ti “lewd and objectifying comment” ni Quezon City 4th District Representative Jesus “Bong” Suntay iti maysa a congressional hearing.
Segun kadakuada, saan a kaaklon-aklon dagiti insawang ni Suntay ken impaganetget a nasken ket maraem ti dignidad dagiti babbai iti aniaman a lugar, nangruna iti pormal a panagdengngeg iti Kongreso.
Inyunay-unay dagiti abogado iti reputasyon ni Curtis kas maysa propesyonal a public figure ken innayon nga awan iti babai — publiko man wenno pribado — iti mabastos babaen kadagiti sexual remarks.
Dinakamat da dagiti paglintegan a kas ti Safe Spaces Act (RA 11313) ken Magna Carta of Women (RA 9710) a mangsalsalaknib iti dignidad dagiti babbai.
Nagramut iti isyu idi Marso 3 manipud iti panagdengngeg ti House Committee on Justice seknan ti impeachment complaints kontra kenni Bise Presidente Sara Duterte, nu sadinno ket inusar ni Suntay ni Curtis iti sexual a konteksto.
Idi agangay ket naikkat daitoy iti official record ken kummiddaw iti pammakawan ti agpanpanday-linteg agraman ti asawa na a ni Sheila Guevara, a pinili nga idistansya iti pamilya da iti problema.
Iti agdama ket sumangsango ni Suntay kadagiti reklamo iti panaglabsing ti Safe Spaces Act, Magna Carta of Women, ken Code of Conduct for Public Officials nga impila da Jean Enriquez manipud Women’s Media and Movement (WMW) – Pilipinas, kasta met ni Joanna Coronacion manipud SENTRO – Women.
