BR LA UNION – Nagpanawagan ni Senador Christopher Lawrence “Bong” Go iti publiko nga ikararagan ni sigud nga Executive Secretary Salvador Medialdea kalpasan a naospital ken nakatuding a maipasidong iti maysa medical procedure.
Segun iti senador, maaramid ti procedure kenni Medialdea inton bigat, banag tapno kumiddaw ti sangsangkamaysa a panagkararag para iti naballigi a resulta.
Sakbayna, kinuna ni Go a saan a nasayaat ti rikna ni Medialdea bayat ti panangipaayna ti mensahe iti solidarity walk idiay Davao City kas panangselebrar iti maika-81 a kasangay ni sigud a Presidente Rodrigo Duterte idi Marso 28.
Gapu iti daytoy, saan a naileppas ni Medialdea ti panagbitlana ket dagus a naiturong iti ospital.
Ni Medialdea ket nagserbi a sigud nga Executive Secretary iti napalabas nga administrasyon Duterte ken sigud met a Presidential aide ni Go.
Kabilang ni Medialdea iti legal team ti sigud a presidente, a nakadetine ita idiay The Hague gapu iti sangsangwen na a crimes against humanity iti international court.
