BR LA UNION – Mangrugi ita nga aldaw, April 15, 2026 iti Play-In Tournament iti National Basketball Association (NBA), iti senyales ti panagleppas ti regular season ken panagrugi ti postseason para iti 2026 Playoffs.
Iti Play-in ti agserbi a dalan tapno maamwan nu anya a bunggoy iti makagun-od ti spot No. 7 ken No. 8, agpada iti Eastern ken Western Conference sakbay ti Playoffs.
Iti umuna nga aldaw ti nasao a torneyo, nakatuding nga aglaban iti Charlotte Hornets ken Miami Heat para iti East bayat nga agsango met iti Phoenix Suns ken Portland Trailblazers iti West.
Ti mangabak iti baetan ti Hornets ken Heat ket maaddaan ti gundaway a lumaban para iti maikawalo a puwesto iti East, idinto a ti mangabak iti baetan ti Suns ken Blazers ket magun-od na ti maika-pito iti West.
Inton bigat, April 16, nakatuding met nga agsango iti Philadelphia 76ers ken Orlando Magic a ti mangabak ket otomatiko a sumrek iti playoffs.
Sumaruno iti laban iti baetan ti Golden State Warriors ken Los Angeles Clippers para iti maysa a do-or-die game.
