BR LA UNION – Intalek ti Palasyo ti Malakanyang iti National Bureau of Investigation (NBI) ti imbestigasyon seknan ti pangta iti biag ni Presidente Ferdinand Marcos Jr.
Daytoy ket kalpasan nga inbutaktak ni Ramil Madriaga iti committee hearing idi Martes, Abril 14, iti maipagarop nga assassination plot kenni Presidente Marcos Jr.
Malaksid pay iti maipagarop nga imbaga ni Davao City Mayor Baste Duterte a kasapolan da iti ulo ti Presidente.
Segun kenni Palace Press Officer Claire Castro, saanen a baro ti death threat iti Presidente, agsipudta immunan nga inaramid daytoy ti Bise Presidente ken im-imbestigaran metten ti NBI.
Maipalagip a maysa pay nga inbutaktak ni Madriaga iti maipagarop a plano a term-sharing iti baetan da Marcos ken Vice President Sara Duterte.
Kabayatanna, siniguro ni Palace Press Officer Undersecretary Claire Castro nga iturpos ti Presidente ti termino na, nupay adda dagiti report nga “assassination plot” kontra kenkuana.
Maipalagip nga imbaga ti self proclaimed bagman ni VP Sara a ni Ramil Madriaga, nga adda napagnunumwan da sigud a president Rodrigo Duterte ken sumagmamano a retirado nga heneral, nga ikkaten iti puwesto ti Presidente inton 2025.
Inlawlawag ni Castro nga awan iti personal nga ammo ti Presidente wenno iti Palasyo kadagiti inbutaktak nga isyu ni Madriaga.
Segun kenni Castro, iti Presidente ket nagkampanya kadagiti umili, nagkari nga agserbi kadagiti umili, ken nagkari a turposenna iti termino na para iti ili.
Ngem siniguro ti opisyal a nupay nakatutok ti Presidente kadagiti trabaho, saan a tagi-awanen ti gobyerno dagiti seryoso a pangta.
Duktalen ti gobyerno iti kinapudno iti likod dagiti alegasyon tapno mamantinir ti seguridad ti chief executive ken ti pagilian.
