BR LA UNION – Kinumpirma ti International Criminal Court (ICC) Pre-Trial Chamber I ti amin a kaso a naidatag kontra kenni sigud a Presidente Rodrigo Roa Duterte, seknan iti maipagarop a crimes against humanity of murder a napasamak iti sidong ti kampanya kontra droga.
Segun iti ICC, umdas dagiti ebidensiya nga insango ti Office of the Prosecutor tapno ituloy ti panagusig.
Kabilang dagiti kaso a kinumpirma ket ti tallo a bilang ti crimes against humanity, mainaig iti 78 a biktima ti extrajudicial killings ditoy Pilipinas.
Kalpasan iti desisyon, pormal a mailungalong ti panagusig kenni Duterte idiay The Hague, Netherlands.
Ti nasao nga addang ket kasaruno ti immuna a ruling ti Appeals Chamber a nangpasingked iti hurisdiksiyon ti ICC kadagiti krimen a napasamak sakbay pay nga immatras ti Pilipinas iti Rome Statute idi 2019.
Segun kadagiti analyst, ti nasao a desisyon ti nangmarka ti pakasaritaan ti sangalunongan a hustisya, agsipudta daytoy ti umuna a gundaway a maysa a sigud a lider ti estado manipud Southeast Asia ti sumangsango iti nasao a tukad ti panagusig.
