Balligi a naisayangkat ti “100 Hectare Corn Model Farm Field Day,” maysa a programa ti Department of Agriculture (DA) kabinnulig iti Office of the Provincial Agriculturist (OPAg) ken ti Lokal a Gobyerno ti Bacnotan para iti Ten-C Agriculture Cooperative.
Tampok ti programa dagiti nagunod ti Farm and Fisheries Clustering and Consolidation (F2C2) Program, napagkadwa dagiti talon manipud ti 10 cluster barangays: Nagsaraboan, Cabaroan, Legleg 1 & 2, San Martin, Raois, Poblacion, Nangalisan, Agtipal, ken Say-oan.
Personal a nakikadwa dagiti nangibagi manipud DA-Regional Field Office I, ken dagiti eksperto manipud ti OPAG tapno imatangan iti balligi ti Model Farm.
Panggep daytoy a mapapigsa iti kapasidad ti Ten-C Agriculture Cooperative ken dagiti lokal a mannalon babaen ti nalawlawa ken organisado a sistema ti panagmula ti mais.
Agtultuloy ti ili ti Bacnotan, iti sidong ti panangidaulo ni Hon. Mayor Divine Fontanilla ken Hon. Vice Mayor Francis Fontanilla, iti panangpaduras kadagiti kooperatiba ken sector ti agrikultura tapno masigurado iti naayos ken napintas a panagbyag ti ili. (Report by Bombo Alphea)
Courtesy: Bacnotan, La Union
