Ipaspasigurado ni Senador Erwin Tulfo iti Department of Foreign Affairs (DFA) ti kinatalged dagiti Filipino seafarers a dumalan iti Strait of Hormuz.
Mainaig daytoy iti panangraut ti Iran iti Maltese-flagged container vessel a nagluganan dagiti 24 Filipino seafarers idi Mayo 5, ken pito ti nasugatan bayat a tallo ti napakaruan.
Segun kenni Tulfo, kasaritana ni Foreign Affairs Secretary Tess Lazaro tapno ammuen iti Iranian Embassy no balido pay laeng iti karida a saan a garawen dagiti Filipino seamen a lumabas iti Strait of Hormuz.
Gapu iti insidente, adon dagiti Filipino seamen iti stranded ita iti nasao a lugar.
Kenuna ni Tulfo a kasapulan ti nalawag a sungbat manipud iti gobierno ti Iran no natalged pay laeng a lumasat dagiti marino a Pilipino iti nasao a lugar tapno mapakaammuan dagiti kailian a seafarers.
Inkari ni Lazaro a makipagkita iti Iranian Ambassador ita a lawas tapno ammuen no aktibo pay laeng ti katulagan iti “safe passage” agreement para kadagiti Filipino seamen.###
