BR LA UNION – Nagkari iti House Prosecution panel ti mas ad-adu ken natibtibker pay nga ebidensiya kontra kenni Vice President Sara Duterte.
Segun kenni Rep. Ysabel Maria Zamora, maysa kadagiti panel member, inisyal pay laeng dagiti nairuar nga ebidensiya kontra iti bise presidente.
Kinuna na nga adu pay ti agur-uray nga ebidensiya nga iruar ken ipakita ti panel iti publiko apaman a mangrugin ti impeachment trial.
Kabayatanna, nakasagana metten ti prosecution team a pakaibilangan dagiti 11 a beterano a mammanday linteg nga agpapada nga abogado.
Segun kenni Zamora, nakasaganan ti panel ken nakatuding a pagbibingayan ti tunggal miyembro iti iggaman nga isyu ken kaso kontra iti bise presidente.
Para kenni Zamora, posible a maysa isuna kadagiti mangiggem ti ‘grave threat’ issue wenno ti nagbalin a pangta ni VP Sara kada Pres. Ferdinand Marcos Jr., First Lady Liza Marcos, ken sigud nga House Speaker Martin Romualdez.
