BR LA UNION – Saanen a kasapolan iti lokal a korte ti Pilipinas para iti panangiserbi ti warrant of arrest ti International Criminal Court (ICC) kontra kenni Senador Ronald dela Rosa, segun kenni retired Senior Associate Justice Antonio Carpio.
Inlawlawag ni Carpio, saanen a kasapolan ti pannakiballaet dagiti lokal a korte ti pagilian, agsipudta iti kaso sangsangwen ti sigud a hepe ti Philippine National Police (PNP) ket crimes against hummanity ken nakailanad kunana iti sidong ti konstitusyon ti Pilipinas nga awaten na kas paset ti linteg ti pagilian iti international law, a pakaibilangan iti crimes against humanity.
Anyaman a pagilian kunana ket mabalin a maaddaan ti hurisdiksiyon agsipudta maysa daytoy a krimen kontra iti sangkatawan.
Kinuna pay ni Carpio a ti saan a panag-isyu ti Korte Suprema ti temporary restraining order (TRO) ket kaipapanan nga adda bileg na ti arrest warrant nga inyisyu ti ICC.
Inpaganetget pay ni Carpio nga iti sidong ti Republic Act 9851, adda opsiyon iti gobyerno, iti Presidente nga isuko ni dela Rosa wenno usigen isuna ditoy pagilian.
Inaramid ti retirado a mahistrado iti waragawag iti tengnga ti takder ti kampo ni dela Rosa a kasapolan ti interbensiyon ti lokal a korte ditoy pagilian tapno agbalin a valid wenno adda bileg ti nasao a warrant.
