BR LA UNION – Naipatungpal ita nga aldaw ti Martes, Mayo 26, 2026, iti sabali manen a panagngato ti presyo dagiti produkto a petrolyo.
Segun iti Department of Energy (DOE), ngimmato iti presyo ti diesel iti P1.96 kada litro; gasolina – P1.60 kada litro; ken kerosene – P1.45 kada litro
Ti rason ti panagngato ti presyo dagiti produkto a petrolyo ket gapwanan ti nairut a supply iti global oil market kalpasan a nagkissay ti produksyon idiay Europa, ngem ti sumagmamano a supply mnanipud Asya ket mabalin nga iyakar iti dadduma a rehiyon.
Idi napan a lawas, ngimmato ti presyo ti gasolina iti P1.21 kada litro ken diesel iti P2.82, idinto a bimmaba ti kerosene iti P2.11.
Gaputi dayta, umaboten ti net increase iti P48.12 kada litro ti gasolina sipud idi nangrugi ti tawen 2026, P44.84 iti diesel, ken P39.05 iti kerosene.
Segun pay iti DOE, umabot iti 44.82 nga aldaw ti pakabuklan a fuel inventory ti pagilian, mas nababa kumpara iti 45.33 nga aldaw idi napan a lawas.
