BR LA UNION – Nangipeksa ti pannaki-simpatiya ni Japanese Prime Minister Sanae Takaichi kadagiti biktima ti magnitude 7.8 a ginggined a timmama kadagiti paset ti Mindanao ditoy Pilipinas idi agsapa ti Lunes, Hunyo 8.
Iti maysa a postna iti X (sigud a Twitter), kinuna ni Takaichi a maladingitan unay kadagiti report ti nalawa a pannakadadael, agraman ti pannakarba dagiti pasdek iti rehiyon.
Nakisimpatiya met kadagiti natayan a pamilya ken amin a naapektaran ti didigra.
Impasigurado pay ni Takaichi a nakasagana ti Japan a mangipaay ti kanayunan a tulong ditoy Pilipinas maibasar iti kasapulan dagiti apektado a lugar.
Impaganetgetna pay ti agtultuloy a panagkaykaysa iti dua a pagilian iti baet dagiti didigra.
Kabayatanna, maipalagip a bimmisita da Presidente Ferdinand Marcos Jr. ken First Lady Liza Araneta-Marcos idiay Japan idi Mayo para iti state visit, ket a nagsaritaanda ti pannakapapigsa ti relasyon ken koordinasyon iti Pilipinas ken Japan.
