Pinaregta ni Senate President Sherwin Gatchalian dagiti senador nga agkaysa ken agtitinnulong kontra kadagiti karit a sangsangwen ti Pilipinas.
Inaramid na ti waragawag kasaruno ti special session kalpasan a pormalen a maidutok isuna kas baro a Presidente ti Senado.
Segun kenni Gatchalian, nasken nga agtinnulong ti mayorya ken minorya iti panagserbi ti pagilian ken innayon na a nupay nagduma iti perspektibo ti tunggal maysa ket agkaykaysa met iti tarigagay nga itandudo iti linteg ken pagserbian dagiti Pilipino.
Dinakamat na ti panagngato ti presyo ti lana ken magagatang, pangta ti El Niño, ken dadduma pay a napapateg a saritaan a manamnama a sungbatan ti Senado.
Nagyaman pay isuna kadagiti pada na a senador a nagtalek kenkuana ken impaganetget a sibubukel na nga awaten iti trabaho ken responsibilidad ti baro na a posisyon.
