BR LA UNION – Kidkiddawen ti House prosecution team iti Impeachment Court a luktanen ti kontrobersyal a kahon a naglaun ti tax records ni Vice President Sara Duterte.
Segun kenni House Prosecutor Rep. Leila de Lima, nangipila ti panel iti manifestation para iti sumagmamano a pre-trial matters, a pakairamanan ti kiddaw a lukatanen ti silyado a kahon.
Kayat ti prosekusyon a mairaman a mamarkaan dagiti linaun daytoy iti agtultuloy a pre-trial conference tapno mausar nga ebidensya iti panagusig a mangrugi inton Hulyo 6.
Iti biang ti clerk of court, inlawlawag ni Senate Secretary Renato Bantug Jr. a ti laeng impeachment court ti mabalin nga agdesisyon nu malukatan ti nasao a BIR box iti pre trial conference ita nga aldaw ti Huwebes, Hunyo 25, 2026.
