Impaganetget ni House lead prosecutor ken Batangas Representative Gerville “Jinky Bitrics” Luistro nga adda iti konstitusyonal a trabaho ni Bise Presidente Sara Duterte a personal a sumango iti Senate impeachment court iti panagrugi ti impeachment trial kontra kenkuana inton Hulyo 6.
Segun kenni Luistro, nupay palpalubosan ti impeachment rules nga ibagi ti abogado iti bise presidente, ti saan na a panagdar-ay ket maibilang kas “not guilty” plea.
Kinunana a ti panagsango iti impeachment court ket paset iti pagsungbatan dagiti opisyales ti gobierno, kas maiyannurot iti prinsipyo a “public office is a public trust.”
Nakumpleton iti Senate impeachment court ti pre-trial proceedings ken manamnama a marugian ti panagusig kalpasan nga iruar ti pre-trial order.
