BR LA UNION – Namnamaen nga agtalinaed a nakapya iti sitwasyon iti maisayangkat a White Ribbon March ita nga aldaw ti Domingo, Hunyo 28, segun kenni National Capital Region Police Office (NCRPO) spokesperson Police Major Hazel Asilo.
Agdeploy iti Philippine National Police ti 9,553 a pulis iti intero a Metro Manila para iti nasao a rally dagiti grupo ti simbaan ken civil society.
Nairanta ti tignay-protesta nga ipanawagan iti reporma ken panagsungbat ti gobyerno, iti tengnga ti agtultuloy a flood control probe ken impeachment proceedings kontra kenni Vice President Sara Duterte.
Mapatta-patta nga umabot iti sangapulo a ribu nga indibidwal ti makipag-paset iti martsa nga inorganisa ti Inter-Religious Leaders’ Council kontra korapsyon ken political dynasty.
Segun kenni Professor David San Juan, convenor ti Alyansang Tama Na, mailukat iti amin ti nasao a protesta tapno ilungalong ti adbokasiya kontra korapsyon ken para iti electoral reform.
Kinuna na nga ipanawagan da pay iti panang-palawa ti imbestigasyon iti flood control scam, ituloy ti panagusig kenni VP Sara, ken siguradwen a mapagsungbat ti amin a karaman iti kinakusit.
Aglepppas ti programa idiay EDSA People Power Monument babaen iti maysa a prayer rally ken panagbetla manipud kadagiti lider iti naduma-duma a grupo.
Inlawlawag dagiti organizer a nupay silulukat iti publiko ti martsa, saan da met nga ipalubos nga agsarita dagiti politiko tapno maliklikan a maikkan ti maris-politika iti aktibidad.
