BR LA UNION – Naospital iti aktres ken fashion icon a ni Heart Evangelista kalpasan a maipagarop a nakapadas ti nakaru a pannakabannog gaputi nagsasaruno a trabaho ken commitments, segun iti personal assistant na a ni Reszty Roselle.
Iti serye ti Instagram Stories nga imbinglay ni Roselle idi Sabado, Hunyo 27, makita ni Heart a naka-idda iti hospital bed bayat ti panangaywan dagiti doktor ken nurse.
Segun kenkuana, kimmapsot ti bagi ti aktres gapu iti sobra a hardworking.
Dinipensaanna pay ni Heart kontra kadagiti basher ken impaganetget na a nagaget ti aktres.
Laksid iti nagbalin a kondisyon ni Heart, nangipaay ni Res ti positibo nga update seknan iti kondisyon daytoy.
Imbinglay na a makapagnan ni Heart a diretso, nupay kasapolanna latta ti monitoring bayat nga agtultuloy ti panagpa-imbag na.
Nagyaman ni Res iti Diyos ken Mama Mary kalpasan a simmayaaten ti kondisyon ti aktres.
Nalatak ti aktres kadagiti international fashion engagements, luxury brand partnerships, endorsements, television projects, ken dadduma pay a negosyo a masansan a mangitur-turong kenkuana iti naduma-duma a suli ti lubong.
