BR LA UNION – Planado ti insayangkat a surprise rally idiay EDSA People Power Monument, segun ti Malacañang.
Kinuna ni Palace Press Officer Undersecretary Claire Castro, a parbangon pay laeng ket naipaka-ammon kenni Presidente Ferdinand Marcos Jr. ti maipapan iti protesta.
Segun kenni Castro, inggagara nga inlimed dagiti organizer iti plano tapno agbalin a “surprise rally,” a kunana ket saan a maiyannurot iti linteg ken saan a panang-respeto iti karbengan ti dadduma nga umili.
Nupay kasta, imbaga ni Castro a saanna a makumpirma nu adda lapses iti intelligence.
Kinuna na pay a ti Department of the Interior and Local Government (DILG) ken Philippine National Police (PNP) ti makasungbat nu adda panagkurang iti intelligence gathering.
Segun kenni Castro, pagpalawagen ni President Marcos iti DILG ken PNP nu kasatno a naisayangkat ti kellaat a protesta.
