Inpakita ti Lokal a Gobierno ti Rosario iti operasion ti Municipal Slaughterhouse ken merkado publiko iti delegasion ti LGU Cabagan, Isabela iti naisayangkat a bench marking activity idi Hunyo 15, 2026.
Sinangaili ni Mayor Bellarmin Flores II iti delegasion nga induluan ni Vice Mayor Ferdinand Fugaban, kadua ni Sangguniang Bayan Member Sheila Marie Sia, dadduma pay a miembro ti Sangguniang Bayan, ken dagiti department heads.
Natalantan iti aktibidad dagiti best practices iti operasion ti slaughterhouse, karaman iti panangawat dagiti dingwen, umno a panagparti, panangitulod ti karne iti merkado ken kalidad dagiti produkto a karne. Naibinglay met dagiti probision ti Slaughterhouse Code ti ili.
Simmarungkar met iti delegasion iti Municipal Abattoir ken pampubliko a merkado tapno obserbaran dagiti maipatpatungpal a sistema iti kinadalos, solid waste management, ken operasion.
Inpakita met ti Rosario iti panagbalin a Certified AA NMIS Municipal Abattoir daytoy a mangipakpakita iti nangato nga alagaden ti ili iti food safety ken kinadalos.
Nagyaman dagiti dua a lokal a gobierno iti balligi a sinnukat ti pannakaammo ken panangpatibker iti kooperasion para iti panangipatungpal dagiti nasuruan a programa manipud iti benchmarking activity.###
Courtesy: LGU Rosario
