Inikkaten ti Google Play Store ken Steam ditoy Pilipinas iti mobile ken PC game a GoreBox.
Segun kenni Palace Press Officer Usec. Claire Castro, pinagbigyan ti Google iti kiddaw ti gobierno nga ikkaten iti ay-ayam kadagiti digital platform iti pagilian.
Saanen a mabalin nga i-download wenno i-access daytoy dagiti users karaman dagiti naka-download sakbay a maipatungpal iti restriction.
Nakaragsakan ti Department of Information and Communications Technology (DICT) iti napartak a panagsungbat ti Google ken Steam, ken inbaga a makatulong daytoy iti panangitandudo ti nataltalged nga online environment para kagiti agtutubo.
Idi Hunyo 23, inpadamag ti Cybercrime Investigation and Coordinating Center (CICC) iti temporario a panangiparit iti GoreBox kalpasan a rimuar iti imbestigasion a maysa kadagiti suspek iti school shooting idiay Tacloban City ken nasinged a player ti ay-ayam.
Nupay kasta, awan pay ti opisial a konklusion dagiti otoridad nga adda ti direkta a koneksion iti GoreBox iti insidente.###
