BR LA UNION – Nagballaag ti Mines and Geosciences Bureau (MGB) idi kalman, Sabado, Agosto 8, kalpasan a dimmanon iti 9,096 a barangay iti intero a Pilipinas ti agpel-peligro iti landslide ken panaglayos.
Daytoy ket gapwanan ti awan sarday a napigsa a panagtudo a gapwanan ti Habagat ken epekto ti bagyo Maymay.
Maibasar iti report ti Mines and Geosciences Bureau, adtoy iti bilang dagiti barangay nga apektado kadagiti kangrunaan a rehiyon manipud Agosto 8 agingga 11:
Ilocos Region (Region I): 2,933 barangays
Central Luzon (Region III): 1,997 barangays
CALABARZON (Region IV-A): 1,806 barangays
National Capital Region (NCR): 1,403 barangays
Cordillera Administrative Region (CAR): 707 barangays
Western Visayas (Region VI): 90 barangays
MIMAROPA: 113 barangays
Cagayan Valley (Region II): 47 barangays
Napateg a palagip iti publiko a dagus nga i-report kadagiti lokal nga awtoridad nu adda dagiti senyales ti panagregga-ay ti daga, bittak iti kalsada, wenno kellaat a panag-libeg ken panagngato ti danum kadagiti karayan ken waig.
Dumngeg iti abiso dagiti lokal a gobyerno (LGUs) nangruna nu adda maipatungpal a preemptive evacuation kadagiti agnanaed iti kabantayan ken nababa a lugar.
Iti agdama, segun iti Office of the Civil Defense (OCD), innem a tattao ti naipadamag a natay gapu iti nagtipon nga epekto ti hanging habagat ken iti naglabas a bagyo Luis ken Maymay.
