Kinumpirma iti kampo ni Bise Presidente Sara Duterte nga opisyalen a naawat da iti pammilin manipud Quezon City Regional Trial Court (RTC) Branch 98 a nangpatibker iti panangibasura ti motion for inhibition da kontra iti presiding judge ti kaso.
Mainaig daitoy kadagiti tallo a reklamo ti grave threats a nagtaud iti pampubliko a waragawag a panagpangta ti biag iti Bise Presidente kontra kada Presidente Ferdinand Marcos Jr., First Lady Liza Marcos, ken sigud nga House Speaker Martin Romualdez.
Segun iti abogado a ni Atty. Paul Lawrence Lim, usaren iti dasig da amin a mabalin a legal a remedio bayat nga agtultuloy a tungpalen iti pammilin ti korte ken ti sub judice rule.
Babaen daitoy ket maiparit para iti nagsinnumbangir a dasig a dakamaten iti publiko ken media iti merito dagiti agur-uray a kaso kas panagraem itis rule of law.
