BR LA UNION – Inakusaran manen ni Vice President Sara Duterte iti administrasyon Marcos nga adda iti likod dagiti pammadakes wenno alegasyon kontra kenkuana.
Inwaragawag daytoy ni Duterte kasaruno iti inbutaktak ni dismissed policeman Rodulfo Gracioso Jr., nga immawat ti bise presidente iti minaleta a kuwarta manipud kenni sigud nga House Speaker Lord Allan Velasco.
Segun kenni Duterte, maipagarop nga us-usaren ti communication office ti administrasyon dagiti isyu nga adda pakainaiganna iti kinakusit a rumbeng kunana a sungbatan ni Presidente Ferdinand Marcos Jr. ngem maibaw-baw-ing kenkuana.
Malaksid kenni Duterte, imbaga pay ni Gracioso a nagitulod pay ti kuwarta kenni Davao City 1st District Representative Paolo Duterte ken sigud a presidente Rodrigo Duterte.
Kinuna na, dagiti alegasyon kontra kenkuana ket orihinal a nakadirekta kenni President Ferdinand Marcos Jr.
Kabayatanna, pinaglibakan pay ni Duterte iti alegasyon a mangi-submitir ti affidavit na ita nga aldaw ti Huwebes, Oktubre 7.
