BACNOTAN, LA UNION — In-inuten a marikrikna iti Bacnotan Public Cemetery iti panagsagana para iti umadani nga Undas 2026, bayat a rugrugian metten dagiti dadduma a pamilya iti panagpadalus ken panagpapintura kadagiti tanem dagiti pimmusay a napapateg da iti biag.
Segun kenni Bernie Muñio, aganay 25 a tawenen a sepulturero ti Bacnotan Public Cemetery, kadawyan a ₱150 agingga ₱200 ti singir ti tunggal agpadalus iti tanem.
Para met kadagiti mayat nga agpapintura, dumanon ti ₱400 agingga ₱700 iti gatad na, depende iti trabaho ken klase iti pintura a mausar, agraman ditoyen ti water-based paint. Mabalin met a maigiddan iti panangpadalus ken panagpapintura.
Iti agdama ket tallo agingga innem dagiti kliyente nga agpadpadalus kenkuana inladaw. Nakadepende iti kaadu iti ma-kliyente na iti maipaaramid.
Kinunana a manamnama iti panagdudupudop dagiti tattao kadagiti sementeryo inton madanon iti Oktubre 25 agingga Nobyembre 1, nangruna kadagiti naggapo ti adayo a lugar.
Nagballaag met ni Muñio a sapaen dagitoy iti bumisita ti tanem, nangruna kadagiti senior citizens ken ubbing, tapno saanen a madanon pay iti nabara a darang iti init ken kaadu dagiti tattao.
Pagaammo nga agserserbi kas pananglaglagip ken panagraem kadagiti pimmusay a napapateg iti biag ti panagdalus kadagiti tanem da tunggal obserbasyon iti Undas. | via Bombo Rafael Galano
INSERT>>> (SEPULTURERO)
