Saan pay a sigurado nu maresolbar iti tensyon idiay West Philippine Sea (WPS), segun kenni Presidente Ferdinand Marcos Jr.
Iti panagbetla na idiay Forbes Global CEO Conference, Singapore, imbatad iti Presidente a kasapulan nga imaton ti gobierno iti tensyon tapno maliklikan dagiti biddut ken saan nga umiso nga interpretasyon a posible a mangpakaro iti sitwasyon.
Nupay kasta ket determinado met iti Pilipinas a makabukel iti katulagan, agramanen iti Code of Conduct, nu kasta ket bumaba iti tensyon iti mapagsusubiatan a paset ti kabaybayan.
Inaklon ni Marcos a maysa kadagiti kadakkelan a pakaseknan na ket ti biddut ti maysa a soldado a posible nga agtungpal iti agresibo a komprontasyon.
Impaganetget na iti panangpatalinaed iti kinkapia ken kinawaya iti panagpataaw idiay WPS, saan laeng para ti Pilipinas, nu ketdi para ti intero a lubong.
