Nagtignay kontra kinaranggas ken armado nga impluwensya iti Communist Party of the Philippines-New People’s Army-National Democratic Front (CPP-NPA-NDF) ti pakabuklan a 28,415 barangay kadagiti 60 a probinsya ti intero a Pilipinas kasaruno iti deklarasyon da a maipasidong ti Stable Internal Peace and Security (SIPS) status.
Segun kenni National Task Force to End Local Communist Armed Conflict (NTF-ELCAC) Deputy Director for Operations Rodrigo “Rhod” Lutao, ipakpakita ti nalawa a masakopan ti SIPS ti agtultuloy a panagkapsot dagiti rebelde a grupo bayat nga ad-adun a komunidad iti mangayat iti kinakapia, natalged a liderato, ken panagrang-ay.
Dumanon ti P44.90B ti impuonan iti gobierno babaen iti Barangay Development Program (BDP) para kadagiti 5,638 a barangay a sigud nga agsagsagaba ti riribuk gapo iti insurhensya.
Naitukon ti nasao a pondo iti pannakaipasdek kadagiti kalsada, silid-pagadalan, pasilidad ti danum, pampubliko a pasilaw, ken health centers tapno masiguro iti direkta a serbisyo ti gobierno kadagiti umili.
