BR LA UNION – Sap-sapolen ita dagiti otoridad dagiti sangapulo ket maysa a tripulante idiay Black Sea kalpasan a napabettakan dagiti dua a commercial vessel, asideg iti kabaybayan idiay Bulgaria idi Martes, Oktubre 13.
Napasamak ti insidente iti tengnga ti tensiyon iti baetan ti Ukraine ken Russia, segun kenni Bulgarian Prime Minister Rumen Radev.
Segun kenni Radev, pina-ayaban na iti Russian ambassador kalpasan a natirwan ti Russian drones dagiti dua a barko.
Kinuna ni Radev, tallo a Russian aerial drones ti timmama iti Chelsea 3, maysa a Ukranian-owned cargo ship , nga addaan ti 15 a tripulante ken naisalbar a dagus babaen dagiti nagresponde.
Kabilang dagiti natirwan a barko ket iti HS Dignity, maysa a Guinea-Bissau cargo vessel nga agturong koma iti Romanian port idiay Braila.
Lima a tattao ti na-rescue iti nasao a barko ngem agtaltalinaed a mapukpukaw dagiti 11 a tripulante.
Alerto met iti North Atlantic Treaty Organization (NATO), European Union (EU), ken iti gobyerno ti Ukraine ken Bulgaria iti posible a peligro idiay Black Sea gapwanan ti gyera iti Ukraine ken Russia.
Iti napalabas a 12 a bulan, nasuroken nga 45 a barko a pang-merkado iti nailista a naatakar idiay Black Sea, segun iti maritime risk management group Ambrey.
