Kimiddaw ti pammakawan ni House lead prosecutor Gerville Luistro mainaig dagiti agwarwaras a ladawan ti prosecution panel a wacky poses iti Session Hall ti Senado kalpasan nga ag-recess iti impeachment trial ni Vice President Sara Duterte.
Segun kenni Luistro, awan iti intensiyon a bastusen wenno aramiden a pagkakatawaan dagiti abogado iti Senado.
Kinuna na a maragsakan laeng iti grupo agsipudta nakainana da kalpasan ti sumagmamano a bulan a panagdengngeg iti impeachment case.
Immunan a nagwaragawag ti pannakadismaya ni Senate President Sherwin Gatchalian kadagiti ladawan ken imbilin na iti Office of the Sergeant-at-Arms nga imbestigaran iti insidente.
Impaganetget ni Gatchalian a rumbeng a raemen iti Session Hall agsipudta ditoy a dakdakamaten ken maipaspasa iti napapateg a linteg ken isyu ti pagilian.
