Nangisayangkaten ti panagtataripnong ti special task force ti Philippine National Police (PNP) a nabukel tapnu imbestigaran iti pammatay iti journalist a ni Adrian “Golden Boy” Loterte idiay Daraga, Albay.
Segun kenni PCol. Allen Rae Co, hepe ti PNP Public Information Office, agtultuloy iti imbestigasyon ken suksukimaten dagiti otoridad iti amin a posible nga anggulo ti krimen, karaman iti posibilidad nga adda pakainaigan daitoy iti trabaho ti biktima.
Adda met dagiti sursuruten nga anggulo dagiti imbestigador tapnu mapapartak iti panagsolbar iti kaso.
Maipalagip a pinaltugan dagiti saan pay a nabigbig a suspek ni Loterte idi malem ti Oktubre 12 bayat nga adda iti uneg ti panaderya idiay Daraga, Albay.
