Nagsuwek manen iti baro a record low ti balor ti piso kalpasan a nagrikep iti P63.361 kontra dolyar iti panagturpos ti kalakalan idi kalman, Miyerkules, Oktubre 21, 2026.
Naartapan ti nasao a closing rate iti naudi a nailista nga all-time low a P62.09 idi Lunes ken Martes, Oktubre 19 ken 20.
Sakbay pay iti opisyal a panagrikep ti merkado, dimmanon iti mas nababa a tukad a P63.373 iti sukat ti piso kontra dolyar iti tengnga ti intraday trading idi kalman.
Daytoyen iti maika-29 a daras a nakailista ti baro nga all-time low iti balor ti lokal a kuwarta iti intero a tawen 2026.
Namnamaen a mangigubway daytoy ti nadagsen nga impact iti panagangkat ti produkto iti ballasiw taaw.
Ngem positibo met ti panagkita ti dadduma nga addaan ti dollar remittance nangruna ti aggapo idiay Estados Unidos.
