Napaay a makagun-od ti medalya iti Golden Boy ken three-time gymnastics world champion a ni Carlos Yulo kalpasan nga agleppas iti maikapito a pwesto iti 54th Artistic Gymnastics World Championships a naangay idiay Notterdam, Netherlands idi Dominggo, Oktubre 25.
Naala ni Yulo iti score a 13.333 iti first vault nu sadinno nakaala isuna ti 0.3 penalty idi nakurangan ti landing kalpasan iti 5.600 difficulty score ken 8.033 execution score.
Iti maikadua a vault, nagun-od met ni Yulo iti 14.433 a puntos nga addaan ti difficulty score a 5.200 ken execution score a 9.233 para iti average a 13.833 — dagiti puntos a kimmurang para iti podium finish.
Saan met isuna a nakaala ti medalya iti double-Olympic gold gymnast ti floor exercise finals na idi Sabado idi pimmalya ti landing iti second tumbling pass ken agleppas ti walo a pwesto.
