Nailista idiay New York iti kaunaan a pannakatay nga adda pakainaigan iti tigdas iti uneg ti 30 a tawen kalpasan a pimmusay ti maysa nga ubing idiay Lewis County gapu iti nasao a sakit.
Segun kadagiti health authorities, naliday ni New York Governor Kathy Hochul iti pannakatay ti ubing ken kinuna a palagip daitoy iti peggad dagiti sakit a mabalin a maliklikan babaen ti bakuna.
Kabayatanna, dimmanonen ti 4,834 iti kaso ti tigdas kadagiti 47 nga estado idiay United States idi Oktubre 29, maibasar iti datos ti Centers for Disease Control and Prevention (CDC).
Maipalagip a naideklara nga eradicated iti tigdas idiay Estados Unidos idi 2000 kalpasan iti naballigi a vaccination campaigns, ngem nagwaras manen iti sakit kadagiti napalabasa a tawen gapu iti panagduduaan kadagiti bakuna ken panagbaba ti talek kadagiti health authorities.
Karaman kadagiti sintomas ti tigdas iti trangkaso, respiratory symptoms, ken nasakit a pantal iti kudil. Iti nakaro a kaso, mabalin a mangigubuay daitoy ti pneumonia ken panagumbal ti utek a posible a pakatayan ti pasyente.
