Nangipaay ti pondo ken teknikal a tulong iti Republika ti Korea iti Aklan Agri-Aqua Demonstration Farm and Training Center idiay Kalibo, Aklan para iti panangipatakder ti smart greenhouse facility a tarigagay a maparang-ay iti produksyon ti high-value crops.
Indauluan ni Agriculture Secretary Francisco P. Tiu Laurel Jr. iti panaglukat ti proyekto a Value Chain Enhancement of High-Value Crops through Smart Agriculture (VEHCSA), a pinondoan ken sinuportaran ti Korea International Cooperation Agency (KOICA).
Iti pasilidad idiay Kalibo ket maysa kadagiti uppat a pilot site ditoy Pilipinas, karaman iti Tigbauan, Iloilo; Patnongon, Antique; ken Bago City, Negros Occidental.
Naikkan dagiti greenhouse ti automated ken climate-controlled systems tapnu mapagtalinaed iti maiyannutop a kondisyon iti panagmula ken masigurado ti agtultuloy a produksyon iti nadumaduma a paniempo.
Malaksid kadagiti arawaten, mangipapaay met iti KOICA ti panagsanay kadagiti mannalon mainaig iti usto a panangaywan ti mula, post-harvest handling, ken panagsurot iti Good Agricultural Practices (GAP).
Karaman kadagiti karit ti proyekto iti naurnos a panang-mentinir iti pasilidad ken panagbirok dagiti pribado a consumer tapnu masigurado iti agtultuloy a birok dagiti mannalon.
Babaen ti proyekto, tarigagay ti Department of Agriculture nga aramiden a moderno ken rumang-ay iti negosyo ti panagtalon, bayat a papapigsaen iti birok dagiti mannalon ken seguridad iti taraon ditoy pagilian.
