Mangipatungpal iti Australia dagiti mandatoryo nga addang para iti kinatalged ken seguridad para kadagiti kompanya nga agususar ken agpatpataray ti artificial intelligence wenno AI, kasaruno ti kumarkaro a panagdanag iti posible a peggad ti nasao a teknolohiya.
Segun kenni Australian Prime Minister Anthony Albanese, mangipatakder da ti baro a regulator a mangidaulo iti panangipatungpal dagiti allagaden, karaman iti obligado a panangi-report dagiti panaglabsing iti seguridad ti AI ken independiyente a panagsukimat kadagiti advanced AI model.
Tarigagay ti addang a masigurado a natalged ken responsable iti panagusar ti AI, laksid a baybay-an nga iti teknolohiya iti mangdikta iti komunidad.
Kasaruno daitoy ti insidente nu sadinno maysa a prototype ti OpenAI iti nakalusot kadagiti security safeguard bayat iti panagsanay ken nakastrek iti maysa a government website a naglaon kadagiti pribado a file.
Kabayatanna, kinuna ni Defense Minister Richard Marles a kasapulan a maipasidong iti pangruar ken independiyente a panagsukimat dagiti AI system tapnu masigurado iti kinatalged da.
Sumangsango met iti panagkedked dagiti AI company idiay Australia gapu iti epekto ti dadakkel a data center iti aglawlaw ken iti saritaan ti panagusar dagiti copyrighted a materyales, kas dagiti kanta ken libro, iti panagsanay ti AI.
