Impasigurado ni Davao del Sur Governor Yvonne Roña Cagas a saanda nga idulin wenno ilemmeng ni Senador Ronald “Bato” Dela Rosa.
Segun kenni Department of Justice Secretary Fredderick Vida, daytoy ti imbaga ti gobernador idi bimmisita iti Mindanao idi kallabes.
Maitunos daytoy iti awag ti gobierno a saan a pagbalinen ti lugarda a pagkamangan dagiti pugante.
Innayon ni Vida, impanamnama pay ti gobernador nga awan ni Dela Rosa idiay Davao del Sur.
Sapsapulen pay laeng dagiti otoridad ti senador, nga addaan iti 50 million peso a gunggona iti asinoman a makaipaay iti impormasion a mangiturong iti pannakaarestona.
Maipalagip a nangipaulog iti International Criminal Court (ICC) ti arrest warrant kontra kenni Dela Rosa mainaig iti kaso a crimes against humanity, no sadino a nabigbig daytoy a kakumplot ni sigud a Presidente Rodrigo Duterte.
