Pakabuklan a 102 dagiti successful blood donors a nailista ti Bombo Radyo La Union iti naisayangkat a “Dugong Bombo 2026: A Little Pain, a Life to Gain” idi kalman, Nobyembre 14, 2026 iti Second Floor ti SM City La Union.
Manipud kadagiti successful blood donors, 18-anyos nga estudyante manipud CICOSAT Collges ti kaubingan idinto a 65-anyos manipud ili a Bauang ti kataengan a blood donor.
Ballaygi ti naisayangkat a Dugong Bombo 2026 ti Bombo Radyo La Union babaen iti tulong ken suporta ti Philippine Red Cross, dagiti sponsors, ken dagiti kameng ti Philippine National Police, Bureau of Fire Protection, Philippine Airforce, Philippine Army, Bureau of Jail Management and Penology (BJMP) – Region One, ROTC ti DMMMSU ken CICOSAT Colleges, Department of Education Region 1, naduma-duma a grupo ken organisasyon ken dagiti listeners and viewers ti Bombo Radyo La Union.
Kas panagyaman ti Bombo Radyo La Union, amin a successful blood donors ket naipaayan ti limited edition a Dugong Bombo T-shirt, hot meal, bottled water, snacks, ken vitamins.
Pagyamanan pay ti Bombo Radyo La Union iti management ti SM City La Union iti panangipaay da ti venue a pakaisayangkat ti napnuan kaipapanan A Dugong Bombo, maysa a blood letting activity a nasurok dua a dekadan a maisay-sayangkat tunggal bulan ti Nobyembre iti kada tawen.
Maipalagip a nangrugi ti programa iti oras ti alas 8:00 ti bigat ken nagpatingga iti oras alas singko ti malem.
DUGONG BOMBO: A LITTLE PAIN, A LIFE TO GAIN!
Tunggal tedted ti dara ket adda kaibatugan a biag a mabalin a maisalbar
