Ngimmato iti 39 a porsiento iti ₱1.4 trilyon ti pakabuklan a gatad dagiti naaprobaran nga investments iti Pilipinas iti umuna a siam a bulan ti 2026 no ikumpara iti isu met laeng a panawen idi napan a tawen.

Maibasar iti datos manipud iti Board of Investments (BOI), Philippine Economic Zone Authority (PEZA) ken Bases Conversion and Development Authority (BCDA), dagiti investments nga inaprobaran ti BOI ket dimmanon iti ₱942.9 bilion, ₱309.6 bilion iti PEZA ken ₱145.46 bilion iti BCDA.

Karaman kadagiti proyekto a nakapauneg iti daytoy ti renewable energy, manufacturing, hospitality ken tourism. Maysa kadagiti dakkel a proyekto ket ti ₱93.69-bilion a solar cell manufacturing facility idiay New Clark City.

Manamnama a makatulong dagitoy a proyekto a mangpalawa iti industria, panangpataud iti panggedan ken mangpapigsa iti ekonomia.

Nupay kasta, dagiti naaprobaran nga investments ket dagiti proyekto a mapalubosan pay laeng iti agdama ken saan a kayat a sawen a naiserreken ti naan-anay a gatad ti panagpuonan iti pagilian.